Saturday, January 21, 2012

الانترنت والفيسبوك وتويتر ينفجروا فرحا وتعليقات ونكات ساخرة من هزيمة توفيق عكاشة في الانتخابات




انتحار جماعى للبط بعد خسارة توفيق عكاشة





الانترنت والفيسبوك وتويتر ينفجروا فرحا وتعليقات ونكات ساخرة من هزيمة توفيق عكاشة في الانتخابات و من اطرف هذه التعليقات :




تقريبا اللى خلى عكاشة يسقط هو صوت احمد سبايدر


- بعد النتائج المبدعة والغير مسبوقة لتوفيق عكاشة قررت اللجنة العليا للإنتخابات عمل مقعد شرفي له وهيقعد لوحده خالص.. فوق قبة البرلمان


- عكاشـة اللى خلّاه يرشـّـح نفسه انه كان فاكرها إنتخابات "برّمــائيـة"


- فى أول ظهور إعلامـى لعكاشــة :غدّونــى وزروطـوووا .. غدّونــى وزغّـطوووا


- عكاشة : عارف يا سي البرادعى حزمة الجرجير فيها كام عود ؟؟


البرادعى يخرج عن صمته : أكيد أكتر من الأصوات اللى انت خدتها فى الانتخابات


- آلاء نور .. والمذيعة ام باروكة "حمرا" قالوا لتوفيق احنا بنحبك وعايزين نتجوزك قاللهم .. لأ لأ .. خلينا أصوات أحسن


- يا شماتة الماسونيين فيك يا عكاشة


- توفيق عكاشة مقدم طعن فى نتيجة الانتخابات لأنهم منعوا البط من التصويت


- متعملش في نفسك كده انتي لسه صغير ووراك كوم بط عايز يتظغط


- عكاشة أخد 112 صوت .. منهم 150 "باطـ"ـلين


- هو ممكن يبقى فى بط فى المجلس؟


- إنها ليلة بكي فيها البط


- عكاشة : "اتبط" بقى واعد ساكت


- هيقول مؤامرة ماسونية شيوعيه اشتراكيه ميكافيليه لبراليه اخوانية سلفية علمانية


-عكاشه بن معلم الزناتى سقط يامنز


- حمله قوميه للبحث عن الـ 8 اللى ادوا صوتهم لتوفيق عكاشه


- سقوط عكاشه ممكن يهدد استقرار البلد يعنى ممكن بكره نسمع خبر الشرطه تلقى القبض على 500 بطة معهم زجاجات المولوتوف لحرق اللجان الانتخابية كانوا يهتفون كاك كاك كاك كاك احنا وراك وراك وتم تسليمهم لمجزر المنصورة الألى


- الماسونيين اسقطوا عكاشة

-
خبر عاجل:لعبة المزرعة السعيدة تعلن الحداد لمدة ثلاث أيام حزنا علي خسارة توفيق عكاشة في إنتخابات مجلس الشعب



- عكاشة امام لجنة الفرز : يارب صوت يارب صوت

- الصناديق قالت لعكاشة ... تعاليلي يابطة

- ليلة بكي فيها البط



-ونقدم تهانينا للفراعين الاصليين وزغروطه ياست نفرتيتي

Wednesday, January 18, 2012

التعليقات و النكات الساخرة من برودة الجو الشديدة في مصر حاليا ههههههههههههههههه









«فين الأخ اللى كان بيقول فى كتب الجغرافيا «حار جاف صيفاً، دافئ ممطر شتاء»


«إحنا بنعيش حملة فريزر التانية على مصر»


النظام الغير قادر على حماية مواطنيه من البرد دا..نظام فاقد للشرعيه..الصيف قادم قادم لا محاله.....الثوره ستنتصر (حريه .. عيش ... دفايه كهربائيه هههههههههه )


رساله لافراد الامن المركزى من دلوقتى بحذرهم....مسيل للدموع ماشى ....خرطوش شغال ..... مطاطى اشطه ميضرش متعودين ...... رش ميه ف الجو ده هتغابى عليكم بجد.........هههههههههههههه


ايه البرد ده .. احنا اسفين يامخلوع


ياجدعان الجو بيستهبل فاكر نفسه في اوروبا حد يقوله عيش عيشة أهلك


«أنا من البداية يا ساقعة بتحمّل.. خلاص كفاية صوابعى بتنمّل»


«اللى معاه ريموت التكييف يبطل هزار يا جماعة»


«أنا طلعت الهدوم الصيفى خلاص.. الشتوى مش مكفى»




«الطقس طقس أوروبا والعيشة عيشة صومال»


«درجة الحرارة فى القاهرة ٩ وفى نيويورك ٦، شدوا حيلكم ٣ درجات ونوصل للعالمية»


«الجو لو فضل كده لحد ٢٥ يناير.. الجيش ممكن يفض المظاهرات بإزازتين ميه ساقعة»


«مصر دافئة بطبيعتها.. البرد جزء من المخطط الأجنبى عشان عجلة الإنتاج تقفش»


«بالنسبة للناس اللى كانت ناوية تحرق مصر.. ياريت تبدأوا من دلوقتى عشان كده هنموت من البرد»


«فى مثل هذه الظروف الباردة، قرر نسر العلم تخليه عن منصبه، وتكليف طائر البطريق بإدارة شؤون العلم»


«واحد اتصل بمراته وهو فى الطريق قالها سخنى ميه، صاحبه قاله إنت حمش قوى، قاله أمال هاغسل المواعين بميه باردة فى الجود ده؟!»

Tuesday, January 3, 2012

New Damietta City in Egypt Taxi drivers strike.....اضراب سائقي التاكسي بمدينة دمياط الجديدة مصر

03rd  January 2012




New Damietta City in Egypt Taxi drivers strike


قام صباح اليوم 3يناير 2012 سائقي التاكسي بمدينة دمياط الجديدة بعمل اضراب و توقف المرور
بالقرب من شارع الكفراوي احتجاجا على قيامي سائقي التاكسي لمدينة دمياط القديمة بالعمل داخل مدينة دمياط الجديدة.